Kurti: Prurjet e ujit në KEK kanë arritur nivele optimale për furnizim me ujë të TC “Kosova B”

11:52 | 1 Dhjetor 2024
E.H

Kryeministri i vendit, Albin Kurti ka thënë prurjet e ujit në KEK kanë arritur nivele optimale për furnizim me ujë të TC “Kosova B”.

Kurti në llogarinë e tij në Facebook, ka publikuar gjendjen momentale të Ibër-Lepencit teksa thekson se kanë rifilluar furnizimet me ujë të fabrikave në rajonet e Mitrovicës dhe Prishtinës, përcjell Arbresh.info

“Ka rifilluar furnizimi i fabrikave të ujit në rajonet e Mitrovicës dhe Prishtinës. Ka filluar furnizimi me ujë për qytetarët e komunave të Skenderajt, Mitrovicës së Jugut, Mitrovicës së Veriut dhe Zveçanit”, ka shkruar Kurti.

Ndër të tjera, i pari i ekzekutivit kosovar potencoi se së shpejti pritet të normalizohet furnizimi me ujë për qytetarët në Fushë Kosovë, Drenas dhe Obiliq./Arbresh.info

Shpërndaje në rrjete sociale

Lajmet më të lexuara

Të ngjashme

Foto lajm